Mənbə siyasəti

Korpusdakı qanun mətnləri Azərbaycan Respublikasının rəsmi elektron qanunvericilik bazasından (e-qanun.az) götürülür. Mətn əl ilə köçürülmür — rəsmi mənbədən çəkilir, səhifə-səhifə emal olunur və maddə sərhədləri üzrə parçalara bölünür ki, istinad konkret maddəyə düşə bilsin.

Rəsmi mətndən başqa mənbə (forum, xəbər, digər saytlar) korpusa daxil edilmir.

Qanun dəyişir, korpus isə yükləndiyi andakı redaktəni saxlayır. Aşağıdakı siyahıda hər sənədin korpusa son dəfə yazıldığı tarix göstərilir — bu, sənədin özünün qüvvəyə minmə tarixi deyil, bizim nüsxəmizin tarixidir və fərqi bilməyiniz vacibdir.

Ona görə hüquqi nəticə çıxaracaq bir məsələdə həmişə e-qanun.az-dakı aktual redaktəni yoxlayın.

Rəqəm, tarif və ya cədvəl şəklində real dünya məlumatı (məsələn bölgə kodları, sığorta tarifləri) yalnız ən azı iki müstəqil ictimai mənbə ilə tutuşdurulandan sonra dərc olunur. Mənbələr arasında ziddiyyət varsa, həmin sətir «naməlum» qalır — təxmin edilmir.

Bu qayda təcrübədən çıxıb: saytda bir dəfə tamamilə uydurma bir bölgə kodu cədvəli dərc olunmuşdu. İnandırıcı görünürdü, öz-özünə uyğun idi və tamamilə yanlış idi. Bu cür səhvi heç bir avtomatik yoxlama tutmur — yalnız mənbə tutur.